A lúa

A señora Lúa
inda está solteira.
¡A señora Lúa
a Lúa lueira!

A Lúa lueira,
a señora Lúa:
¡ten gana de troula
e quér ir de rúa!

¡E quér ir de rúa.
de troula ir quería
que sinte morriña
e melanconía!

A señora Lúa
a Lúa rueira
como anda de noite
sempre está tristeira.

Sempre con tristura
e melanconía
que anda ploa noite
e dorme de día.

Que a señora Lúa
co Sol quér casar.
¡E andao buscando
sin podelo hachar!

A señora Lúa,
a Lúa tristeira:
¡si non da co Sol
quedará solteira!

Manuel María: Os soños na gaiola (1968)

Versións:
Suso Vaamonde: A lúa; Os soños na gaiola; 1978; Disco 2, Corte 3