domingo, 5 de octubre de 2014

Coma unha espada

Tódolos ríos pasan pola miña
alma, cheos de Deus, música e lapas.
Tódalas pombas fan o meu amor.
A beleza feriume para sempre.

Ó traveso da escura teadaraña
deste mundo unha estrela cai no río
da miña vida e quédame chamando.
A beleza feriume para sempre.

En cada vez eu oio unha chamada
cun longo eco de adeus que non entendo,
pro que me fire coma espada ardendo.
A beleza feriume para sempre.

E as falopas dos anos van caendo
sobre a sede inmortal e os ollos tristes,
¡pro no enterran a boca da ferida!
A beleza feriume para sempre.

Xosé María Díaz Castro: Nimbos (1961)

Versións:
2naFronteira: Coma unha espada; Zapatiños para Díaz Castro; 2014; Pista 14

No hay comentarios :

Publicar un comentario