Lugo

Na fonte de ferro,
no coito dos bois,
no espello do vento,
da navalla e da frol.
No recén da herba,
no lobo e no can,
nos ollos da meiga,
na pedra do lar.
No refaixo dela,
na ponte do alén,
no andar das ovellas,
no ar do mencer.
No cabalo quente,
no viño millor,
no que non se perde
no meu corazón.
Na noite senlleira,
no liño tecido,
na madeira tenra
dos vellos castiros.
Na vida e na morte, no amor e no ren,
loubareite, Lugo de aceiro e de mel.

Lorenzo Varela: Lonxe (1954)

Versións:
A Quenlla: Lugo; Máis alá da néboa; 1990; Cara B, Corte 5



A Quenlla: Lugo; As nosas cancións; 1997; Pista 10

(Reedición da versión do disco Mais alá da néboa, do ano 1990.)