Mapoulada mapoula do río

    Mapoulada mapoula do río
que mapoula é.

    Quen alcende as escumas do frío
muiñeira é.

    Quen marmura na lingoa do río
lavandeira é.

    Quen pendura o seu sono de un fío
tecedeira é.

    Mapoulada mapoulada do río
miña noiva é.

Manuel Cuña novás: Fabulario novo (1951)

Versións:
María Manuela e Miguel Varela: Mapoula; Erguerémo-la espranza; 1982; Lado 2, Corte 2

Suso Vaamonde: Sorriso; Rapazas, rapaces e rapazadas; 1997; CD1, Pista 7



Xulia María: Mapoulada; A porta aberta; 2006; Pista 5

Quesia: Mapoulada, mapoula do río; www.quesia.es; 2014;