miércoles, 5 de julio de 2017

O arco da vella

O arco da vella
no ceo subido
co seu colorín,
co seu colorido.

O arco da vella
con sete colores
que teñen no ceo
beleza de flores.

O arco da vella
no ceo chantado
co seu colorín,
co seu colorado.

O arco da vella
é un arco triunfal
con sete guerreiros
que a ninguén fan mal.

O arco da vella
de luz feito é.
¡Resulta un milagre
que siga de pé!

Manuel María: Os soños na gaiola (1968)

Versións:
Suso Vaamonde: O arco da vella; Os soños na gaiola; 1978; Disco 2, Lado A, Pista 5

No hay comentarios :

Publicar un comentario