viernes, 17 de noviembre de 2017

O sol

O sol chámase Lourenzo
e é un señor moi finchado
que está no alto do ceo
todo o día relumbrando.

Vai vestido de marelo,
leva chaleque encarnado.
Moi seguro de si mesmo
o seu calor nos vai dando.

O sol chámase Lourenzo
e é un señor moi sinalado.
¡Si non fora polo sol
estaría o mundo xeado!

Soio o sol manda no ceo,
moi solemne, moi barbado.
¡As súas barbas son os raios
con que nos vai alumando!

Manuel María: Os soños na gaiola (1968)

Versións:
Suso Vaamonde: O sol; Os soños na gaiola; 1978; LP2, Cara A, Corte 1

No hay comentarios :

Publicar un comentario