se botas outra moeda danzarei de novo para ti
non haberá máis condena que o vidro ennegrecido
(poderás seguir matando gatos nas piscinas)
e o bamboleo da que non se sabe se dentro dun camión de machorras para a feira
ou a star dunha marcha triunfante-alucinóxena
e se sorrío poderás lerme nos dentes o destino que te espera
(canto mellor será se a túa moeda é grande
e o teu amor)
pero mentres ollas e non afundo
neste asedio de lodo e de indixencia
en canto xira o meu podio fascinante
se botas outra moeda
danzarei de novo para ti
Elvira Riveiro Tobio: Andar ao leu (2005)
Versións:
Fanny + Alexander: Danzarei para ti… se botas outra moeda; Finais dos 70s, comezos dos 80s; 2007; Pista 3
Fanny + Alexander: Danzarei para ti… se botas outra moeda*; Finais dos 70s, comezos dos 80s; 2007; Pista 9
*[Remesturada por Projecto Mourente.]
No hay comentarios :
Publicar un comentario