Cando penso que te fuches,
negra sombra que me asombras,
ó pé dos meus cabezales
tornas facéndome mofa.
Cando maxino que es ida,
no mesmo sol te me amostras,
i eres a estrela que brila,
i eres o vento que zoa.
Si cantan, es ti que cantas,
si choran, es ti que choras,
i es o marmurio do río
i es a noite i es a aurora.
En todo estás e ti es todo,
pra min i en min mesma moras,
nin me abandonarás nunca,
sombra que sempre me asombras.
Rosalía de Castro: Follas Novas (1880)
Versións:
Antoñita Moreno: Negra sombra; Ronda de España; 1965; Cara A, Corte 1
Los Tamara: Negra sombra; Miña Galicia verde; 1974; Cara A, Corte 3
Bibiano: Negra sombra; Aluminio; 1979; Cara B, Corte 5
Pepe Domingo Castaño: Negra sombra; Galleguiños; 1979; Cara A, Corte 5
Amancio Prada: Negra sombra; Dulce vino de olvido; 1985; Cara B, Corte 2
Amancio Prada: Negra sombra; Canta a Galicia; 1986; Cara A, Corte 1
(Reedición da versión do disco Dulce vino de olvido, do ano 1985.)
Carlos Núñez e Luz Casal: Negra sombra; A irmandade das estrelas; 1996; Pista 4
Amancio Prada: Negra sombra; Rosas a Rosalía; 1997; Pista 18
Astarot: Negra sombra; O sentir dunha terra; 2000; Pista 1
Carlos Núñez e Luz Casal: Negra sombra; Todos os mundos; 2002; Pista 9
(Reedición da versión do disco A irmandade das estrelas, do ano 1996.)
Miro Casabella: Cando penso que …; Orvallo; 2004; Pista 5
Amancio Prada; Negra sombra; Rosalía siempre; 2005; Pista 17
(Reedición da versión do disco Rosas a Rosalía, do ano 1997.)
María do Ceo: Negra sombra; Tan lonxe, Tão longe; 2007; Pista 9
Abe Rábade e Gaudi Galego: Negra Sombra; Rosalía 21; 2008; Pista 5
Roger Mas: Negra sombra; Roger Mas i la cobla Sant Jordi ciutat de Barcelona; 2012; Pista 14
Najla Shami: Negra sombra; Na lingua que eu falo; 2013; Pista 5
Amancio Prada: Negra sombra; Resonancias de Rosalía; 2014; Pista 13
(Reedición da versión do disco Rosas a Rosalía, do ano 1997.)
jueves, 23 de febrero de 2017
Negra sombra
Etiquetas:
Abe Rábade
,
Amancio Prada
,
Antoñita Moreno
,
Astarot
,
Bibiano
,
Carlos Núñez
,
Follas Novas
,
Guadi Galego
,
Los Tamara
,
Luz Casal
,
Miro Casabella
,
Najla Shami
,
Pepe Domingo Castaño
,
Roger Mas
,
Rosalía de Castro
Suscribirse a:
Enviar comentarios
(
Atom
)
No hay comentarios :
Publicar un comentario