domingo, 19 de febrero de 2023

Tanto se amavam, que se atormentavam

Tanto se amavam, que se atormentavam
continuamente. Demasiado amor
é incompatível coa felicidade.
Felicidade e amor em grandes doses
nom podem misturar-se.
Nom cabem juntos no pequeno vaso
do coraçom. Quiçá um amor cativo
e umha felicidade altiva podem
conviver.
Ou quiçá um amor excelso
e umha felicidade subalterna.
Se nom é assí, derrama o coraçom
felicidade, amor, os dous, o sangue
que necessita a vida. Pode ser
que um grande amor de meu che poda dar

umha felicidade grande a ti,
e viceversa, mas à condiçom
de que nom haja reciprocidade
na dimensom do mútuo amor.
Nom é
fonte de dita um infinito amor.
Tanto se amavam, que se atormentavam
por qualquer cousa.
Um vaso o coraçom
que derrama o seu sangue se o enchem mais
do que aturar naturalmente pode.
Mas sem taxa se amavam ambos, e
nengum dos dous podia ser feliz.

Ricardo Carballo Calero: Reticências (1986-1989) (1990)

Versións:

Ukestra do Medio: Tanto se amavam; Musicando Carvalho Calero*(VVAA); 2020; Pista 20




Ukestra do Medio: Tanto se amavam; Historias cativas; 2022; Pista 2



*[Concurso musical organizado pola AGAL (Associaçom Galega da Língua) en colaboración coa CRTVG e a Consellería de Cultura da Xunta de Galicia, para conmemorar o ano das Letras Galegas 2020, adicado a Ricardo Carballo Calero.]

No hay comentarios :

Publicar un comentario