Sexamos sempre xuntos liñas paralelas

Sexamos sempre xuntos liñas paralelas.

Cómo se che dá tan ben almorzar miñas astucias,
esmelgar do meu X.

Porque son a millor, como dixeches,
aprovéitome con descaro da túa anatomía
                                                                   esquelética
e que tragues trabas e que mordas cordas
e que lambas lamas,
                                 se fai falla.
Pero aínda sigo querendo que sexamos paralelos,
                                                                               xuntos.
Pero aínda cada día recollo o teu antollo.
Lingua nas ínguas, dentes insistentes.
Confundindo a nosa comunión coas túas medidas importantes.
Esa suxa habitación onde ninguén é máis ca ti.

Porque o punto de contacto é o primeiro punto da diverxencia.

Yolanda Castaño: Vivimos no ciclo das erofanías (1998)

Versións:

Yolanda Castaño*: Liñas paralelas; Edénica; 2000; Pista 1



*[A versión musical de Yolanda Castaño foi composta, arranxada, grabada e producida por José Antonio Fernández Calero (Factoría musical SSM).]