Carro

      —¿Qué levas, carro valeiro,
qué levas pola costiña?
—Levo a mañanciña toda,
con un galo loiro enriba.

    —¿Qué levas, carro valeiro,
qué levas pola costiña?
—Levo a serán con un merlo
asubía que asubía.

    —¿Qué levas, carro do tempo,
costa abaixo, costa arriba?
—Levo semente de estrelas
pra a sementeira dos días.

Emilio Álvarez Blázquez: Poemas de ti e de min (1949)

Versións:

Suso Vaamonde: Carro; Rapaces, rapazas e rapazadas; 1997; CD2, Pista 8

A Quenlla: O carro das estrelas*; Silencios na memoria; 2004; Pista 4



*[A versión musical de A Quenlla está seguida por dúas estrofas que non corresponden con obra algunha de Emilio Álvarez Blázquez, polo que pensamos a súa autoría corresponde ao grupo A Quenlla.]