Romaxe da historia natural

Donicela, donicela,
vincallo do verde val.
Vésporas e zamezugas
e vagalumes do ar.
Urso xurdio e tolo volpe,
roxiñol do pampo uzal.
Xílgaro que paseniño
estouras no piñeiral.
Sura esgolada, do vento,
zamburiña, prata rá.
Lombriga do teu sartego,
louro e lanzal lobicán:
edra da eirexa lourida,
laranxas do laranxal.
¡Ai, a miña zoología,
miña Historia Natural!

Camilo José Cela: Poesía completa (1996)*

Versións:

Suso Vaamonde: Romaxe da historia natural; Rapazas, rapaces e rapazadas; 1997; CD1, Pista 8



*[Publicada orixinalmente na revista Papeles de Son Armadans, nº XIV, 1957.]