Vai a meniña

Pola veira do río
vai a meniña,
ollando sobre a auga
a súa cariña.

Leva un cesto pequecho
de moitos freques
pra coller margaridas
e chuchameles.

Unha ran brincadeira
chouta na erba
e batuxa e ranfiña
diante da nena.

Mentras o río longo
ruxe e cavila,
leda coma un parrulo
vai a meniña.

Xosé Neira Vilas: Cantarolas e contos prá xente miuda (1975)

Versións:

Suso Vaamonde: Vai a meniña; Cantarolas pra xente miuda; 1986; Cara B, Corte 6