Madrigal á cibdá de Santiago

Chove en Santiago
meu doce amor.
Camelia branca do ar
brila entebrecida ô sol.

Chove en Santiago
na noite escura.
Herbas de prata e de sono
cobren a valeira lúa.

Olla a choiva pol-a rúa,
laio de pedra e cristal.
Olla no vento esvaído
soma e cinza do teu mar.

Soma e cinza do teu mar
Santiago, lonxe do sol.
Ãgoa da mañán anterga
trema no meu corazón.

Federico García Lorca: Seis poemas gallegos (1935)

Versións:

Xoán Rubia: Madrigal a cidade de Santiago; Cantares da miña terra; 1973; Cara 2, Corte 3

Mareira: Madrigal á cibdade de Santiago; Mareira; 1980; Pista 2

Claudina e Alberto Gambino: Madrigal a cibda de Santiago; Danza na lúa. Seis poemas galegos; 1986; Pista 2

Xoán Rubia: Madrigal á cibdá de Santiago; Galicia nai (& Xil Ríos); 1993; Pista 20

(Reedición da versión do disco Cantares da miña terra, do ano 1973.)

Xoan Rubia e Sphaira: Madrigal da cibda de Santiago; Na percura da intimidade; 1996; Pista 6

Luar na lubre: Chove en Santiago; Cabo do mundo; 1999; Pista 2

Luar na Lubre e Ismael Serrano: Chove en Santiago; Lo mejor de Luar na Lubre. XV aniversario; 2001; Pista 6

Luar na Lubre: Chove en Santiago; Chove en Santiago y otros éxitos; 2002; Pista 1

(Reedición da versión do disco Cabo do mundo, do ano 1999.)

Luar na Lubre: Chove en Santiago; Ao vivo; 2009; CD1, Pista 2

2naFronteira: Madrigal á cibdá de Santiago; Alma; 2013; Pista 3