A lua espreita
dende a baranda,
a noite vaise
i o galo canta.
Un novo día
na porta agarda,
día de todo,
vispra de nada.
O día pensa
que o mundo é seu
e cada día
leva algo meu.
Imos andando
día tras día,
mentras a morte
a fouce afía.
Noite pequeña,
día longal,
cando amañece
algo acontece
pra ben ou mal.
Celso Emilio Ferreiro: Cartafol de poesía (1936)
Versións:
A banda da loba: Abrente; Bailando as rúas; 2017; Pista 6
No hay comentarios :
Publicar un comentario