Enterro do neno probe

Punteiros de gaita
acompañábano.
O pai, de negro;
              no mar, unha vela
                      branca.

Os amiguiños levábano.
              Non pesaba nada.

Abaixo, o mar;
o camiño no aire
              da mañá.
Il iba de camisa
              limpa
e zoquiñas brancas.

Os amiguiños levábano.
              Non pesaba nada.

Luis Pimentel: Sombra do aire na herba (1959)

Versións:
Benedicto: Enterro do neno probe; Pola unión; 1977; Cara B, Corte 4



Pilocha: O enterro do neno probe; Pilocha; 1978; Cara A, Corte 5