Ti onte, mañán eu

      Caín tan baixo, tan baixo,
que a luz onda min non vai;
perdín de vista as estrelas
e vivo na escuridá.

      Mais, agarda... ¡o que te riches
insensibre ó meu afán!
Inda estou vivo... inda podo
subir para me vingar.

      Tirá pedras ó caído,
tiraille anque sea un cento;
tirá... que, cando caiades,
hanvos de face-lo mesmo.

Rosalía de Castro: Follas Novas (1880)

Versións:

Bernardo Xosé: Paz*; Eu soñei; 1987; Cara A, Corte 4

Narf: Ti onte, mañán eu; Nas tardes escuras; 2013; Pista 8



*[A versión musical de Bernardo Xosé está precedida polos poemas Xa nin rencor nin desprezo, e Paz, paz deseada, ámbolos dous da obra de Rosalía de Castro: Follas Novas, do ano 1880.]