Lévame a aquela fonte cristaíña

    Lévame a aquela fonte cristaíña
        onde xuntos bebemos
as purísimas augas que apagaban
sede de amor e llama de deseios.
Lévame pola man cal outros días…
        Mais non, que teño medo
        de ver no cristal líquido
        a sombra daquel negro
desengano sin cura nin consolo
        que antre os dous puxo o tempo

Rosalía de Castro: Follas Novas (1880)

Versións:
Dolores Plata: Lévame; Lúa descolorida; 1985; Cara B, Corte 5



Mero*, María Manuela, Mini** e Xiana: Lévame a aquela fonte cristaíña; A miña primeira Rosalía; Editorial Xerais, Libro-CD; 2013; Pista 5



*[Baldomero Iglesias Dobarrio (Mero).]
**[Xosé Luís Rivas Cruz (Mini).]