ca miña señor de maos dadas,
trebellei toda a noite,
pois ela mo rogara.
Ca miña señor de pel fina,
ca miña señor de auga clara,
trebellei toda a noite,
pois ela mo mandara.
Ca miña señor de ollos fondos,
ca miña señor de ollos de auga,
trebellei toda a noite,
sobre a neve luar das sabas.
Ca miña señor e as súas pomas
que a miña señor me doara,
trebellei toda a noite
no alto da mazaira.
Ca miña señor, a das coxas,
fondas, coxas de cerva mansa,
trebellei toda a noite
deica os sinos da alba.
Antón Tovar: Berros en voz baixa (1990)
Versións:
Anxo Rei: Ca miña señor; A rabela da pluma; 2006; Pista 5
