Vivimos no ciclo das bengalas

Vivimos no ciclo das bengalas.
Prometémonos violarnos ás escuras.

Será que nos desgaxamos durante varios latexos
e os teus labios se pousaron sobre a miña incontinencia.
Será que foron máis fortes os meus estímulos crudos
que ó final abriron todos en guirnaldas incendiarias.
Pero ninguén que me lea te coñece tan ben
como para saber cómo as miñas pernas
por encima das túas ideas arquivoltaicas e fetichistas.

Somos morboadictos.

Quén mellor ca ti para sanar o meu branco.
Qué seo non albergaría de boa gana o teu sempre.
Emparanoian os meus dedos e máis nada che ofrezo.
Son os ofuscados idiolectos.

Vivimos no ciclo das Erofanías.
Somos antinormais.

Yolanda Castaño: Vivimos no ciclo das erofanías (1998)

Versións:

Yolanda Castaño*: Vivimos no ciclo das erofanías; Edénica; 2000; Pista 2



*[A versión musical de Yolanda Castaño foi composta, arranxada, grabada e producida por José Antonio Fernández Calero (Factoría musical SSM).]