Brétema

Brétema,
canción noviña,
auga de poema que mana e canta,
ven!

—Ven por carreiriños de vento,
neniña!
Farémosche zapatiños de rosas.

—Ven por veredas de menceres,
neniña!
Haberá froles de chuchamel.

—Ven pol-a banda dos pomares!
—Ven pol-o trigo das leiras,
neniña!

—Canción noviña!
—Auga de poema!
—Rosa do vento!
—Saudade do sol!

Aquilino Iglesia Alvariño: O pastor das horas. Cómaros verdes (1947)

Versións:

A Quenlla: Brétema; 30 anos con A Quenlla de amor, dor e loita; 2014; CD1, Pista 5