Os nenos pasan

Vexo os nenos pasar. Veñen da escola ou vanse.

Levan libros na man e caramelos.
Levan o sol debaixo dos zapatos.

As súas voces encheron o lugar no que escribo.

As mulleres que os coidan van detrás.
Ás veces algún neno quere voar e escapa.
Pero elas non os chaman porque saben
que os nenos sempre volven.

Ser libre, algunhas veces, significa volver.

María do Cebreiro: Non queres que o poema te coñeza (2004)

Versións:

Ester Formosa e Adolfo Osta: Vexo os nenos pasar; La vida, anar tirant…; 2012; Pista 13