Outono cedo de gaitas

Outono cedo de gaitas,
moceiro de ledas choivas,
meu nemigo!

Catro luces do teu sono
leváronme catro noivas,
meu nemigo!

Catro noivas color verde,
vestidas de branco liño,
meu nemigo!

Eran catro amores grandes,
só quedoume un pequeniño,
meu nemigo!

Álvaro Cunqueiro: Cantiga nova que se chama riveira (1933)

Versións:

Amancio Prada: Outono cedo de gaitas; A dama e o cabaleiro; 1987; Cara A, Corte 3

Amancio Prada: Outono cedo de gaitas; 3 poetas en el círculo; 1998; Pista 3