Teño o corazón senlleiro

                    13

Teño o corazón senlleiro
e orfo na noite fría.
                    Non importa, agardaréi
                    polo albor do novo día.
Teño lobos, teño sombras,
teño a sorte fuxidía.
                    Non importa, agardaréi
                    polo albor do novo día.
Está mudo o reixiñol
que outrora cantar solía.
                    Non importa, agardaréi
                    polo albor do novo día.
Que está comigo a esperanza,
fiando, fía que fía…
                    Ela fía i eu confío
                    no albor do novo día.

Celso Emilio Ferreiro: Viaxe ao país dos ananos (1968)

Versións:

Luis Emilio Batallán: Agardarei; Ahí ven o maio; 1975; Cara B, Corte 2

Luis Emilio Batallán: Agardarei; Eres un fármaco; 1992; Pista 8

Reincidentes: Agardaréi; Aniversario; 2013; CD1: Canciones para no olvidar; Pista 7

Eladio y los Seres queridos: Agardaréi; Orden invisible; 2015; Pista 2