Cantarela dos nenos

Amiguiños todos,
amiguiños xa,
os nenos deiquí
e os nenos dalá.

Os nenos do mundo
todos a cantar
a unha mesma voz
collidos da man.

Cantarela nosa
de amor e de paz,
sin penchas nin odios,
sin falsa irmandá.

Rolda de sorrisos
dende mar a mar,
corazós abertos,
ollos de amistar.

Amiguiños todos,
amiguiños xa,
os nenos deiquí,
e os nenos dalá.

Xosé Neira Vilas: Cantarolas e contos prá xente miuda (1975)

Versións:

Suso Vaamonde: Cantarela dos nenos; Cantarolas pra xente miuda; 1986; Cara B, Corte 1