Ainda teño a esperança

Aínda teño a esperanza de poder
percorrer umha a umha
todas as parróquias de Galiza,
lugares e casais,
andar porta por porta,
dialogar persoa a persoa
face a face
pois nom hai tarefa máis urgente,
formosa, nédia e necessária.
Gastarei o meu corpo nos caminhos
ate ser pó, seixo e silveira.
A miña voz, de tam usada, será
só fundamento de semente
que apenas poderá roçar
a intimidade choída dos galegos,
estrana tribo incomprensível
feita de treve, vento e cantaria.

Manuel María: Versos do lume e do vagalume (1982)

Versións:
Uxía Senlle: Aínda teño esperanza; Andando a terra. Uxía canta a Manuel María; 2013; Pista 12