Campás

Ergue, meu neniño;
ergue, lacazán;
que as campás xa tocan
con ledo din-dan.

—¡Ledas campaíñas
xa tocando están
que chegou a ialba
chamando á mañán!

—Tocan as campás
i andan a falar
cousas moi fermosas
por todo o lugar.

—¡Falan as campás
con voz de metal:
o seu canto voa
dende o monte ó val!

—¡Érguete, meu neno,
porque o campaneiro
deixa de tocar
si eres perguiceiro!

—As ledas campás
xa non tocarán,
¡si eres perguiceiro,
si eres nugallán!

Manuel María: Os soños na gaiola (1968)

Versións:
Suso Vaamonde: Campás; Os soños na gaiola; 1978; Disco 1, Lado A, Corte 3



María Manuela: Ergue meu neniño; Cantigas para nenos e neneiros; 1979; Cara A, Corte 5



Roi Casal: Din Dan; Lendas douradas; 2008; Pista 6