martes, 29 de noviembre de 2022

S.O.S.

        Todos presentiamos que a noite
preparaba algún sofisma
        E o faro estraviado
daba o S-O-S
no morse
                  —clave Orión—
                            das estrelas

        Eses brazos abertos da vela
son os mesmos do vento
que se despreguizou

        Na man do Mar esquencidizo
os loceiros peteiran a bicala

        A estrela dos cabarets
        cun cigarro nos beizos
        pide lume aos catro puntos cardinaes
        Pola Galaxia chea de seixos
un astro vello vai co seu farol


        Que dan os almanaques
pra esta meia-noite?

        Pero ainda non sabemos
de qué banda vai chegar a meia-noite
        E o faro estraviado
vai esgotar o seu stock de S-O-S.

Manoel Antonio: De catro a catro (1928)

Versións:

Fanny + Alexander: Sós/S.O.S.*; Finais dos 70s, comezos dos 80s; 2007; Pista 10



*[A versión musical do grupo Fanny + Alexander está precedida polo poema Sós, da obra de Manoel Antonio: De catro a catro, do ano 1928.]

No hay comentarios :

Publicar un comentario