martes, 25 de abril de 2023

Ao reiseñor

(no xeito dos vellos vates)

Reiseñor meigo que no agro frorido
arrolas cantando ao serán durmido
ouh doce trobeiro!

Reiseñor meigo que no agro vizoso
arrolas cantando ao serán formoso
ouh doce trobeiro!

Arrolas cantando no serán durmido
que escoita a cantiga do son esvaído
ouh doce trobeiro!

Arrolas cantando ao serán formoso
Que ouve o feitizo do son garimoso
Ouh doce trobeiro!

Florencio Manuel Delgado Gurriarán: Composicións non incluídas en libros. Obra poética* (2022)**

Versións:

Anxo Rei: Reiseñor; Fronteira de cegoñas; 2003; Pista 8



*[Florencio Manuel Delgado Gurriarán: Obra poética; Edición e introducción Xosé Ramón Pena; Edicións Xerais de Galicia, S.A.; 1ª edic.; Vigo, 2022; Dep.Leg.: VG 5-2022; ISBN: 978-84-1110-060-1.]
**[Composición datada en xaneiro de 1923. Encadrábel na corrente neotrobadorista.]

No hay comentarios :

Publicar un comentario