A tua carne é moza

A tua carne é moza. A morte está longe. Non existe a morte.
Oh corpo florido. O esprito está alén. Non existe o esprito.
Todo o mundo é teu. Deus está no ceu. Ceu azul só é.
Realidade farta. Realidade oca. Nada entre unha e outra.
O rio do tempo leva-te a outros climas. A mar ja se albisca.
Ao desembocar, a verdade é outra, outro o degarar.
Todo o que veías se desfai no espello desa água tranquila.
Paira sobre a água o que agora é todo e antes era nada.
Morte, esprito e Deus Existe só iso. Trindade sen veus.

Ricardo Carballo Calero: Salterio de Fingoi (1961)

Versións:

Madalena Gamalho: Todo o mundo é teu; Musicando Carvalho Calero* (VVAA); 2020; Pista 2

M J Pérez: Nom existe a morte; Musicando Carvalho Calero* (VVAA); 2020; Pista 11

Volvox: O río de tempo; Musicando Carvalho Calero* (VVAA); 2020; Pista 32



*[Concurso musical organizado pola AGAL (Associaçom Galega da Língua) en colaboración coa CRTVG e a Consellería de Cultura da Xunta de Galicia, para conmemorar o ano das Letras Galegas 2020, adicado a Ricardo Carballo Calero.]