To be

Non sería cando eu
poboaba a túa presenza verbo ferver feito carne
reverenciando actos e vivindo que ti eras.

Logo rodaron as rodas e non houbo máis remedio
que recollerse na escultura daquela estancia imprecisa.
Hoxe teño que deixar que sexas entre a nada,
porque teño que probar a soedade da que faltas
e saír a buscarte á soedade que ateigas.

E confirmar esta anestesia das desnutridas horas
nas que ti non es, nas que ti non es, nas que ti non es.

Yolanda Castaño: Delicia (1998)

Versións:

Yolanda Castaño*: To be; Edénica; 2000; Pista 5



*[A versión musical de Yolanda Castaño foi composta, arranxada, grabada e producida por José Antonio Fernández Calero (Factoría musical SSM).]