Ferreiro

Boura o ferreiro na zafra,
boura no ferro,
i escintilan as muxicas
tras do martelo.

Bufa o barquín bufadeiro,
bufa e rebule;
as ferraxes amolecen
co arder do lume.

Trafego ledo na forxa,
trafego vello.
Seréi ferreiro algún día
pra bater ferro.

Xosé Neira Vilas: Cantarolas e contos prá xente miuda (1975)

Versións:

Suso Vaamonde: Ferreiro; Cantarolas pra xente miuda; 1986; Lado A, Corte 4

A Quenlla: O Ferreiro; Máis alá da néboa; 1990; Cara A, Corte 5