Gándara

A Floro L., Cuevillas

Naquel biduído dos bidos louzanos
o páxaro Sol non pía seus raios,
e more de amor.

Naquel biduído dos lánzales bidos
o páxaro Sol non criba seus píos
e more de amor.

Non criba seus ritmos, non pousa seus raios
e albean de frío os albres delgados
e morren de amor.

Non ceiba seus raios, non tece seus fíos
e albres e mámoas albean de frío
ca poldra que morde no mato cativo.

Fermín Bouza Brey: Nao senlleira (1933)

Versións:

2naFronteira: Gándara; Sons de Nós; 2015; Pista 4