No Vietnam

No Vietnam os ríos xa levan sangue,
os arrozales ficaron cubertos de homes.
¡A loitar! ¡A loitar!
No Vietnam voan bolboretas ensanguentadas
i o chan está sementado de pisadas estranxeiras.
¡A loitar! ¡A loitar!
No Vietnam estoupan diariamente millós de dolares,
e polo mundo escóitanse de cote laios de fame.
¡A loitar! ¡A loitar!
No vietnam morre a libertade afogada polos aviós
i os homes choran… ¡choran e berran!
¡A loitar! ¡A loitar!
No Vietnam os ríos xa levan sangue,
os arrozales ficaron cubertos de homes.
¡A loitar! ¡A loitar
no Vietnam!

Lois Diéguez: Canciós pra un agromar branco i azul (1968)

Versións:

Benedicto: No Vietnam; xis 3 EDIGSA/XISTRAL; 1968; Lado A, Corte 1

Benedicto: No Vietnam; Noticia da nova canción galega (VVAA); 1996; CD1, Pista 9

(Reedición da versión do disco xis 3 EDIGSA/XISTRAL, do ano 1968.)